何超蓮冧爆挨實竇驍影相:似唔似結婚邀請函?

20211127
東網電視
更多新聞短片
賭王三房千金何超蓮同男友竇驍愈愛愈甜蜜,不時好似孖公仔咁一樣周圍走,同埋一齊拍住上出騷!今日(27日)佢喺社交網上咗一張相,睇到佢着上低胸晚裝挨喺竇驍膊頭,而着上西裝打上煲呔嘅竇驍,就深情低頭望住超蓮,仲輕輕攬住對方條腰添,真係Sweet到爆,超蓮留言:「這是不是有點像結婚邀請函?」
不過其實呢個只係佢哋出席品牌活動嘅宣傳照,唔係婚照嚟㗎,千祈唔好誤會呀!網民睇見佢哋朗才女貌大讚佢哋好襯,仲話「真的有像結婚」,而有唔少網民就趁機催佢哋結婚「期待真的哦!」,唔知竇驍見到咁多網民「送祝福」,會唔會趁機同超蓮求婚呢?