先拔頭籌!張敬軒奪今年第一個獎 自嘲「樂壇關愛座」

20211127
東網電視
更多新聞短片
《新城勁爆頒獎禮2021》今日(27日)在荃灣舉行記者會,過去近兩年因疫情關係,沒有搞「實體」頒獎禮,今日宣布下月27日將會在會展舉行頒獎禮。現場更率先頒發第一個獎項「勁爆播放指數歌曲」,結果由張敬軒(軒仔)的《俏郎君》奪得。
軒仔上台領獎後,開心表示沒有預期會有獎,有禮物收感到好開心,他直言與新城一直合作無間,互相支持。認為播放率高因由年頭開始播放,但覺得對創作獎應該沒有大影響,相信較有資歷對於獲獎較有把握。對於他入圍「叱咤我最喜愛的男歌手」5強,以一敵四,一人對戰MIRROR四子,他笑說自己是「樂壇關愛座」,他說:「好開心,今年樂壇氣氛好熱鬧,覺得似學嘢多啲,唔會恃老賣老。(諗住關愛座可以坐幾耐?)長江後浪推前浪,好似新陳代謝咁,我以前都係小鮮肉,前浪推咗上岸,跟住會變番後浪,最緊要係作品要好,有心思新意就有人buy,有熱度,冇嘢係negative 。」
軒仔認為出道有年資的歌手,也不應固步自封,以為攬着往績就可以過一世,會提醒自己要有夢想,好似有做新人感覺。他說:「以前做耐咗,就會乜都是但,今年每步都要做好啲,以MIRROR為例,佢哋係令成個行業水準提高咗。」另外,提到父母早前來港,媽咪代替家傭「遮遮」位置,炮製一日三餐的質素勁過「遮遮」,他說:「好似份子料理,似英泥,媽咪用黑豆、芝蔴、亞麻籽和合桃煮成糊狀,其實我仲有牙㗎!」不過他都有畀面試食,吃完講笑:「都係搞唔掂,因為冇味道。」但看到老竇那碗是呈啡紫色,更加嚴重,他最後惟有祝福爸爸:「你take care!」
已邀請三大唱片出席
另外,新城電台經過9個月的「冰封期」,最近跟香港音像聯盟(HKRIA)終達成續約共識,環球、Sony Music及華納(簡稱「三大」)唱片公司的旗下歌手如張學友、陳奕迅、AGA(江海迦)、Gin Lee(李幸倪)、陳柏宇等的音樂作品可「解凍」於電台播出,惟恢復合作數月後,緊接迎來《新城勁爆頒獎禮2021》的記招卻仍未見「三大」派出歌手出席!
新城知訊台執行總監程凱欣受訪時表示,獲獎準則是睇歌曲播放率以及由一隊音樂小組商討:「10月開始都有播番『三大』歌手嘅歌,而計《勁爆》截榜日,佢哋都係得2個月時間計數,相對嚟講獲獎機會爭少少,人哋播多咗成10個月。」
她又直言今日記招有發邀請函予「三大」歌手出席,對於最後見零歌手現身會否感失望?有否進一步了解?她指:「呢方面要問番唱片公司,可能啲歌手有唔同原因出席唔到。(怕唔怕頒獎禮『三大』都冇歌手?因為攞獎機會低。)嚟唔嚟佢哋自己決定嘅,我哋歡迎佢哋。」另外,她表示獎項數目大致跟去年相若,或許會因應今年於音樂上有特別種類或情況而作出微調。