王丹妮成4千萬票房女星　自薦向古天樂拍喜劇

古天樂與王丹妮今日（27日）在銅鑼灣出席電影《梅艷芳》宣傳，對於電影票房衝破4,000萬，兩人皆表示意外及高興，古天樂說：「朋友、父母都有睇，自己睇咗一次，未試過身邊咁多人講，係一個好好回憶。（希望票房再多幾多？）拍到好睇嘅戲最重要，呢啲冇諗咁多。」王丹妮指電影已經看過多次，但每次看仍很感動，每次也睇到喊，有很多回憶，忍不住流眼淚，覺得拍攝時有多辛苦也值得。對於成為4,000萬票房女星，她則說：「係團隊努力，係好大嘅鼓勵。」

問到古天樂開新戲可會預埋王丹妮？他說：「會呀，聽講有啲戲都搵佢，如果有啱都會考慮。」王丹妮則向古天樂自薦拍搞笑喜劇，古天樂笑說：「你搞笑，喜劇好恰人拍喎，要好有個人風格、對白、又要臨時發揮創意，其實除咗賀歲片都好少喜劇，喜劇太難度，不過依家嘅氣氛，都希望有多啲喜劇。」