衛蘭開心樂壇新人輩出：畀大家唔同類型音樂！

歌手衛蘭與師弟洪嘉豪今日（27日）現身紅館為《星光熠熠耀保良》綵排，衛蘭表示對上一次在紅館開騷已是2018年，她計劃明年會推出新EP及開個唱。對於2人缺席新城頒獎禮記者會，他們均表示因撞正綵排時間而未能出席。問到獲獎信心，衛蘭稱以平常心面對，講到今年新人輩出競爭激烈，她說：「我好開心，有咁多新人，對樂壇來講係好事，因為需要進步，而且可以畀到大家多啲唔同類型嘅音樂。」

問到嘉豪今次是否首踏紅館台板，他透露小學時是保良局的學生，早在小學5年級時曾以中樂團成員的身份，參加過當年在紅館舉行的《星光熠熠耀保良》，而第2次在紅館獻唱則是擔任衛蘭演唱會的和音：「今次係第一次以歌手身份喺紅館唱歌，心情緊張，但觀眾愈多我會表現愈好，而且我會同衛蘭合唱，佢係我定心丸。」