東方日報C1:帶父母入場撐胡鴻鈞 蔡思貝陪唱感動到喊

20211128
東網電視
更多新聞短片
「星夢一哥」胡鴻鈞與無綫視后蔡思貝秘戀2年,一直未有親口承認,亦鮮有公開同場,但本報前晚獨家直擊思貝帶同父母睇「男友」演唱會,由「情侶」變「女婿」關係大躍進!思貝自費買飛之餘,更揮動手機燈打氣,見胡鴻鈞落淚,她又在台下陪喊,全晚隔空傳情!
胡鴻鈞(Hubert)一連兩晚《Hubert Wu 2021 The Day After演唱會》前晚在九展開鑼,除星夢娛樂行政總裁何麗全及無綫助理總經理(藝員管理及發展)樂易玲捧場外,馬國明與女友湯洛雯、陳敏之、胡定欣、姚子羚、同唱片公司的谷婭溦及譚嘉儀均準時坐在VIP席睇騷。
不過最令人驚喜的,是Hubert「女友」蔡思貝竟帶同父母捧場,笠帽又用口罩遮半邊面的她表現低調,刻意趁臨開騷將熄燈時才鬼祟入座,更坐在VIP席的後排觀眾席,有別愛坐頭排睇騷的作風。雖然身邊全是Hubert的「迷妹」,但她仍投入得情難自禁,不停舞動手機燈和應歌聲,當Hubert獻唱演唱會主題曲《謝謝你的應援》感觸落淚唱不下去時,她亦特別「有Feel」,用紙巾抹淚。
爆肌出浴撩歌迷
思貝偕父母出現固然是「彩蛋」,台上的Hubert亦演出精彩, 在著名服裝設計師Tomas Chan精心打造下,他以多個造型演出,當中最震憾歌迷眼球的,是穿上恍如古羅馬戰士的服飾載歌載舞,露兩點之餘,更大晒苦練而成的8舊腹肌,配以長裙及妖艷舞姿,將氣氛推至高峰!現場又播出他的「出浴」片,濕身大特寫胸肌,令歌迷連聲尖叫!
Hubert「找數」兌現騷Body承諾外,又為首位嘉賓「人氣王」炎明熹(Gigi)彈鋼琴伴奏兼合唱新歌《愛是帶種缺陷的美》,至另一嘉賓「重量級女神」鄭欣宜出場時,2人鬥Rock對唱《分手是常識吧》,並分享友情點滴。
自掏腰包送驚喜
今次思貝帶父母睇騷,足見對Hubert的重視,亦證明對方得到Auntie、Uncle認可。昨日思貝受訪時說:「爹哋、媽咪都鍾意聽佢啲歌,難得放假就諗住一石二鳥,陪到爹哋、媽咪之餘,又可以支持朋友。」談及「秘密」入場,她透露最近趕拍新劇,不知劇組能否放人:「之前冇應承實佢,唔想到時嘥咗佢張Artist飛,寧願自己買定飛,金錢上支持都係一種支持!」雖然座位離台較遠,但她認為可感受全場氣氛,又笑言下次要帶定眼鏡。
此外,她直認受Hubert感動而落淚,不過台下不少歌迷亦受觸動:「嗰種感動可能因為大家都係藝術工作者,知道為咗一個演出而付出嘅努力係點,明白唔容易,所以有共鳴。就好似我好畀心機拍劇,順順利利播出又有觀眾喜歡,都會特別激動,佢喺台上嗰種力量感動到我!」
更多新聞,請瀏覽東方日報網頁: