收三上悠亞親筆簽名 Tyson Yoshi喪操回禮

2021年11月28日 13:04
東網電視
更多新聞短片
人氣唱作歌手Tyson Yoshi係日本AV天后三上悠亞嘅Fans就人人皆知,早前佢先喺社交網嘅限時動態自爆買咗一堆日本女優閃卡,又勁Hyper晒命話抽到幾張女神卡!而呢個Lucky竟然可以延續,日前Tyson再出Post晒獲三上悠亞嘅戰利品,有咩開心得過收到女神嘅親筆簽名?就係收到女神親筆寫自己個名嘅海報,仲要畫埋個心心添!Tyson睇到呢個Surprise簡直心心眼咗,甚至開心到忍唔住連還爆粗!
既然咁開心就唔好畀佢停,見Tyson個貼心朋友留言話:「我朋友佢知你鍾意呢個女仔,今日佢叫日本同事拎嘅三上簽名,話要送畀你!佢話希望你練再大隻啲,除衫唱歌就得啦!」一向唱歌有舖除衫癮嘅Tyson收到女神嘅「聖旨」,可能即刻跑去Gym Room狂操!因為佢爆笑留言:「今晚應該瞓唔着!」此外,當然唔少得Tag番三上悠亞講「I love u」示愛,未知佢女友睇到有冇呷醋呢?