何雁詩認做第三者　鄭俊弘：做事有啲疏忽

歌手鄭俊弘（Fred）今日（28日）出席「聲夢維港Party Together 演唱會2022」記者會，對於太太何雁詩日前受訪時，重提當年於不知情下做了第三者，以及承認曾與謝東閔拍拖，Fred表示對訪問內容不知情，問到會否叫太太少講為妙？他說：「我哋依家開開心心結咗婚，過去嘅嘢唔好提。（太太講嘢唔經大腦？）佢不嬲大頭蝦，做事有啲疏忽，人又亂。」更爆她日前晚飯後竟然主動執枱，令其大感愕然：「簡直係天大喜訊，唔知佢黐咗邊條筋，但係開心嘅！不過第日打回原形。」