明年3月開騷︱獲封YYDS 林子祥唔知乜嚟!

2021年11月28日 19:02
東網電視
更多新聞短片
殿堂級歌手林子祥(阿Lam)將於明年3月26日假亞博舉行演唱會,他表示很久沒跟香港歌迷見面,有感香港疫情趨穩定,相信開騷不會對歌迷構成不便:「大家都悶咗一段時間,嚟個溫馨快樂嘅以歌會友相聚,希望可以為歌迷帶嚟歡樂。」
阿Lam早前參與不少內地歌唱節目真人騷,其唱功震懾全場,被封為「YYDS (永遠的神)」,節目於社交平台播放百萬點擊,而這個「YYDS」的封號,不單為香港爭光,也為廣東歌爭口氣,一度成為網上熱搜達1.9億的閱讀量。
對於「YYDS」這個稱號,據知阿Lam最初根本不知何意,但由內地歌手薛之謙解讀後,他才微笑謙稱過獎。問他可喜歡這個新封號,他又笑住話:「哈哈,真係唔識YYDS係咩,我仲以為佢哋叫我YUU(其代言廣告商)...」非常搞笑。
阿Lam在內地工作期間,深得工作人員尊重,大讚其工作認真,有次他參與節目錄製時,連導演也嚇呆,想不到其歌功如此深厚,他又說:「工作前後認真必須,每個歌手應該做的事,唔使講到咁誇張。」
據知阿Lam接內地節目,全因一個悶字,因受疫情影響,在年多時間除不能出外旅行後,在港亦鮮有機會打他最愛的高爾夫球,所以為打波,才返內地工作,望公餘時可過打波癮:「係呀,我同工作人員錄完影就即刻飛去其他地方,四圍去玩吓,食吓野。不過玩完呢輪,就會返嚟為3月演唱會籌備。」至於選擇首次在亞博開騷,他話:「一來其他場冇3月個期,二來係大家應該好耐冇搭飛機去過旅行,就當今次係去旅行。」
提及他未公開開個唱前,兒子林德信已收到不少「訂飛」電話,阿Lam話大家消息靈通:「係呀,聽講當咗佢係票務部,阿仔有打電話同我報告好多人訂飛,叫我自己處理番。」由於演唱會只開一場,必定供不應求,他就覺得會否加場要視乎大會可否爭取到場館檔期。