劇組想炸死驢仔　孫儷出手阻止：這是生命！

內地電視劇《當家主母》出現小貓被毒殺慘死的畫面，惹網民質疑劇組虐貓，雖然劇組已回應純屬工作人員製造的效果，並非真實受傷或死亡，但話題仍不斷發酵，有網民更翻炒昔日曾有電視劇劇組有場戲是炸死驢仔，幸得該片女主角孫儷出手相救，驢仔才逃過一劫。

近日網上瘋傳孫儷受訪嘅舊片段，片中佢提到拍攝電視劇《小姨多鶴》時，劇情講到打仗時，佢家中嘅驢不幸被炸死，當時劇組特意買咗一隻老驢，打算假戲真做，令熱愛動物嘅孫儷即忍不住發聲：「我特別怕他們真的會把這隻驢給炸死，然後我就跟導演、攝影師和爆破師說，真的不能給牠炸死，都跟他們說這是生命，一定要保護它。導演很好說話，就說把這驢交給我處理。」

佢續指成功阻止爆破戲後，四處打聽有冇當地人收留驢仔，但對方話係老驢，只會殺嚟食，佢話：「我就沒敢給，後來找到當地一個寺廟，我想出家人應該不會殺生。拍完戲後，廟裏的人告訴我，驢已送給一個常來他們廟裏的香客，它有了新任務，就是幫這戶人家去廟的時候拉香燭。」