麥明詩寸麥大力大大隻得個樣？

麥明詩、麥大力今日（28日）出席活動大玩鐵人接力賽挑戰體能，負責踩單車的麥明詩，直言自己已一年沒有踩過，所以非常吃力，她說：「我踩到有啲想嘔！」至於負責350米游泳的麥大力，都同樣感吃力，游到腳仔軟，他說：「因為我平時玩開潛水，加上我又唔記得戴泳鏡，所以游起上嚟都幾吃力，去到200米嘅時候都有啲攰，仲吞咗幾啖泳池水。」麥大力如此「慘慘豬」，麥明詩竟搞笑地表示：「麥大力身形咁好，應該經常做Gym，但我留意到好多做Gym嘅，都係有姿勢冇實際，耐力不足。」

2人在活動上有傾有講，問麥明詩是否因曾傳緋聞的盛勁為介紹下早已認識麥大力？她說：「我同麥大力都算係鄰居，住得幾近，之前喺《衝上雲霄大選》、《＃後生仔傾吓偈》都已經識。」