張敬軒患病愛犬不樂觀 停工陪伴走最後的路

20211129
東網電視
更多新聞短片
歌手張敬軒(軒仔)昨晚(28日)以壓軸身份亮相無綫慈善節目《星光熠熠耀保良》,忙於宣傳演唱會Blu-ray碟及為跨年演唱會準備的他,透露近日相當頻撲,因患病的哥基愛犬「妹妹」情況不樂觀,日前到寵物醫院抽肺積水:「醫生話佢係向緊嗰個方向(死亡)發展,唔好要佢咁辛苦,因為要篤支針入肺,見佢又好辛苦,住2、3日院成9萬幾蚊,獸醫係貴過人嘅醫生。」
軒仔更指日前出席頒獎禮活動時,內心相當煎熬,離家前也留意住愛犬狀況,活動後也歸心似箭:「好在妹妹都叫做眼仔睩睩,醫生都會用盡一切方法,等佢紓緩啲,醫生都叫我帶佢返屋企,等我多啲時間陪吓佢。我會好珍惜呢段時間,所以今晚之後,我都會停一停休息陪吓佢,我都諗過之後應該唔會再養動物。」