陳約臨翻車好驚險︱傅嘉莉密實潛水　上岸晒長腿

藝人傅嘉莉、鍾晴以及陳約臨早前為方紹聰（奶仔）主持的J2台節目《野外步出2》任嘉賓，鍾晴與陳約臨齊齊挑戰越野單車，過山坡、落樓梯，期間鍾晴落山坡時，因衝力太大嚇到喊，但原來陳約臨仲大鑊，奶仔表示：「佢（陳約臨）試過翻車，差啲成架越野單車撼落頭度，好彩最後無撼到，真係好險。」

至於另一位嘉賓傅嘉莉，除了穿潛水裝上陣，亦有休閒裝享受大自然露長腿，但可惜去到郊野，人氣竟不敵做了兩輯《野外步出》的方紹聰，不少到郊外遊玩的市民見到奶仔即跟他大談「行山經」，連靚女都要「行埋一邊」。