施匡翹激罕晒「湯碗胸」　入行2年恨紅館開騷

歌手施匡翹（Zaina）下月將在九展舉行處女音樂會，她既期待又緊張，坦言做得歌手梗係希望有朝一日能開紅館騷，雖然未知幾時可以達成夢想，但日前能夠踏上紅館舞台表演，她大為興奮，正好作為音樂會熱身，她說：「入行兩年幾，我唱過會展、九展、麥花臣場館，但喺紅館表演就係第一次。」

距離開騷還剩3星期，但她未有閉關，因為她還在拍攝無綫新劇《法證先鋒V》，同樣是她第一次拍劇，她覺得好玩、好新鮮，她說：「我係其中一個單元，劇裏面我個名叫貓奴，我嘅對手戲都係同貓多，講我個角色好似有啲能力，識得同貓溝通。」早前參加了兩個月戲劇班的她，她直認性格好怕醜，好驚與人對望，但戲劇好重視眼神交流，她說：「因為訓練咗好耐，依家無論邊個，如果角色需要，我都可以同佢對望交流。」

除了拍劇，最近她又準備考車牌，她笑言希望成功：「我幾鍾意揸車感覺，如果考到都諗買架二手車，因為驚如果考咗唔揸會生疏，媽咪都驚我嘥咗個牌。」她在社交網上載一輯靚相，穿上一條吊帶低胸火紅裙，見她激罕露出「湯碗胸」，連粉絲都大為驚訝，讚她是健康的性感。