破雙百萬紀錄!呂爵安孖邱鋒澤騷肌找數

2021年11月29日 12:01
東網電視
更多新聞短片
MIRROR人氣王呂爵安(Edan)近日與「狼人殺男神」邱鋒澤跨地域合作,一口氣推出兩首合唱歌,《一表人才》及國語版《年青有為》,MV上架短短9日,已達成兩首歌曲觀看次數均破百萬嘅紀錄,更長佔影片熱門排行榜嘅第1、2位,同時令Edan至今已累積4首破百萬單曲及1首破千萬單曲嘅佳績,氣勢強勁!
而早前曾承諾MV破百萬將會派福利嘅邱鋒澤,呢日就「找數」晒出粗壯二頭肌靚相,又隔空叫Edan都快啲「找數」:「遵守承諾時間到了,現在換你了哦Edan。感謝爵屎和鋒蜜的力量。」而Edan亦非常識做,大晒半裸照勁騷腹肌,佢表示:「好吧現在就來兌換承諾了。Tricep(三頭肌)大家平常都有看到了,那既然要發,我就發張厲害點的吧。這絕對是我二十四年來最fit的時候哈哈,下次就到鋒澤囉。(聽鋒澤說,如果破2m,他會有更大的福利要給大家看呢!)」
另外,由相識、合唱到拍MV都一直未有機會相見嘅2人,日前終於有機會「合照」,事關邱鋒澤嘅粉絲,買下台灣商場外大電視嘅廣告時段,播放新歌MV,邱鋒澤都有特意前往打卡,並造就咗同Edan同框嘅珍貴畫面,Edan都笑言:「嘩是合照!」