大牌檔開張︱張智霖寫對聯晒書法　大灣仔舞獅有睇頭

內地綜藝節目《披荊斬棘的哥哥》熱爆，連帶「大灣區哥哥」陳小春、張智霖（Chilam）、謝天華、梁漢文和林曉峰都喺內地爆紅，內地電視台就食住條水開拍新真人騷節目《大灣仔的夜》，5位「大灣仔」經營大牌檔，經過首集入到廚房就雞手鴨腳，好多驚險場面後，5人終於諗到辦法，齊齊去學煮菜，各自有自己拿手菜，而開店當日Chilam負責寫對聯，估唔到Chilam手字都唔差，見得吓人，為咗減省成本，開店舞獅儀式都由5人擔當，經專人指導下都舞得有板有眼，而Chilam拎起人個大鐵鑊，做起倒油等動作都好純熟，似乎有下廚經驗，又靚仔又煮得，真係入得廚房出得廳堂。