生日感言耐人尋味︱47歲林志玲疑有喜：來得剛剛好

「台灣第一名模」林志玲今日（29日）47歲生日，佢一早上載托腮甜美自拍，雖然只係化上淡妝但依然省鏡，睇相就冇乜嘢，不過生日感言就耐人尋味，疑似懷孕！佢寫道：「感謝母親，感謝生命。感謝每一顆真心～感謝每一個奇蹟～感謝無法逆齡的自己。一直勇敢，一直柔軟。感謝所有美好都來得剛剛好」生日感言相當暖心，其中，林志玲以一句「感謝生命」及「來得剛剛好」引起網友好奇，紛紛留言問係咪有好消息「生日快樂 該不會有好消息」、「要有寶寶了嗎」、「只有我聽起來好像是有了嗎」。如果47歲的志玲姐姐有了，就真係高齡產婦，見佢生日都冇大肆慶祝，唔通係驚動胎氣？