天然靚樣無添加︱游嘉欣初中照曝光勁Pure

無綫小花游嘉欣青春無敵，去年憑住《香港愛情故事》爆紅，之後劇接劇，與林正峰組成螢幕情侶演出《青年心城之撐起青春》，前途無限！傳說中叫得嘉欣都係靚女，好似鍾嘉欣、李嘉欣、蔡嘉欣咁，而游嘉欣個樣都生得好甜美，今年只有21歲嘅佢真係大把時間同機會，昨日（28日）佢就上載佢中二時候照片，學生妹Look，素顏無添加，證明佢由細靚到大，天然靚樣冇加工，佢留言話：「畀啲驚喜大家，圖二送上初中嘅我，嗰時仲係短頭髮，睇返都好有衝動想剪。」網友留言話「好似依家呀！證明游游純天然唔使執樣」不過都有網友話唔認得，笑言「邊位呀？」