仿效AV天后三上悠亞 張敬軒心郁想賣體毛

2021年11月29日 17:04
東網電視
更多新聞短片
歌手張敬軒(軒仔)昨晚(28日)孖唱作歌手林家謙,及爆肌獨立音樂人Tyson Yoshi於社交網開Live,傾偈兼大玩特效濾鏡,雖然已係深夜時段,但仍吸引過萬人持續觀看直播,人氣高企。佢哋於直播中提到Tyson Yoshi早前抽AV天后三上悠亞體毛一事,軒仔笑指自己都有意出售體毛:「不如我哋3個夾份出,一盒入面中間有塊透明膠,貼實有3條毛,大家估吓邊條打邊條。」Tyson即和應指可作慈善義賣,林家謙更表示可組成「毛孩協會」幫助「毛孩(寵物)」,相當搞笑。
期間眾人談諭工作上面對嘅壓力時,軒仔坦言近日經常被問到與4位MIRROR成員呂爵安、姜濤、陳卓賢(Ian)、Anson Lo(盧瀚霆)爭「叱咤樂壇我最喜愛的男歌手」一事,因怕答得唔夠得體而隱藏內心部分諗法:「無論係入咗幾多強,我入咗行咁多年,成日都覺得喺樂迷嘅角度,又唔係揀老公,又唔係揀自己身邊嘅伴侶,Why Not Both?」
面對行內轉變有壓力
佢續指自己有唔少歌迷同時都係「鏡粉」,認為有更多選擇係好事,但面對行內嘅轉變亦難免有壓力:「可以話係多咗選擇,但係其實觀眾都多咗平台睇你,了解你,甚至因為有好多嘅真人騷、選秀活動,係會更加立體咁見到一個歌手揸咪唱歌以外係點。我覺得係好大壓力嘅,因為喺呢個環境你要適應、要改變。」