關楓馨自認公平　唔會偏幫爸爸關禮傑

藝人關禮傑偕女兒關楓馨，今日（29日）以父女檔為無綫新節目《男神廚房開業喇！》宣傳，關禮傑透露會同伍允龍合作經營餐廳一日，更是打頭陣明天（30日）開業，自言心情有點兒緊張，希望可以「打好個頭」：「前幾日有嚟過視察環境，但一次過要煮80人份量都有啲難度，雖然已經Full Booking，但仲有少量Walk-in位，睇吓有冇人再嚟幫襯。（有信心？）畀美女食過Ok都有信心，今次都係煮素炒飯，等陣傾埋菜單就要煲定飯。」

他又指邀請了多位好友前來支持，問到今次始終是比賽，會否感到壓力？他直言沒有，最緊要大家食得開心，當玩遊戲性質看待。問到關楓馨是當爸爸的專屬助手？她笑言會幫齊所有男神，並預告會幫爸爸炮製甜品部分：「全程聽爸爸指示，可能會係湯圓、糖不甩，但仍然都未試過佢親手整，哈哈！（會唔會偏心爸爸？）唔會嘅應該！但可能內心會唔覺意幫多啲，明明落鹽但落咗糖，講笑啫！唔會嘅！我好公平，亦都唔想害咗啲客人。」