無綫開綠燈？星夢一姐菊梓喬揸開電視咪牌受訪

歌手菊梓喬（Hana）昨日（28日）同炎明熹、谷婭溦等一眾無綫藝人現身「聲夢維港Party Together演唱會2022」記者會，豈料活動後身為「星夢一姐」嘅Hana，竟單獨接受香港開電視娛樂新聞訪問，更驚現全程揸住開電視咪牌嘅畫面！

其實以往無綫旗下歌手藝人向來唔會接受香港其他電視台訪問，即使與內地電視台等大量媒體同時進行圍訪，都一定要拆去電視台咪牌，而同場嘅施匡翹都有受訪，故今次畫面實屬難得。

消息一出即引起網民熱烈討論，有網友就翻出曾志偉今年初上任無綫高層時，曾大方表示唔介意旗下藝人亮相其他電視台，揣測唔通今次無綫正式開綠燈。東網聯絡上菊梓喬，佢透過短訊回覆表示：「公司安排。」