「龍虎豹」玩快問快答!阿Sa驚曝露容祖兒年紀勁尷尬

20211130
東網電視
更多新聞短片
英皇「龍虎豹」天后容祖兒同蔡卓妍(阿Sa)、鍾欣潼(阿嬌)情同姊妹,早前仲一齊合作真人騷《容我Sa嬌》,紀念近22年嘅友誼!既然係好姊妹,相信佢哋互相都番咁上下了解,佢哋日前接受快問快答挑戰,睇吓佢哋默契指數有幾高呢?佢哋要好快咁回答一啲關於對方嘅問題,好似係生日日期、生肖、星座等,睇吓佢哋到底有幾了解對方呀!
阿Sa被問到祖兒幾時生日時,佢就驚曝露祖兒嘅年紀,面露尷尬表情問係咪唔使講出生年份呀?因為已41歲嘅祖兒係佢哋三姊妹入面年紀最大嘅,知道唔使講出生年份之後,佢就答係6月16日,答啱咗啦!而經過一輪問答之後,佢哋三姊妹最終都答啱晒所有問題,力證姊妹情深厚,默契指數100分,令到一眾網民大讚好犀利,仲好羨慕佢哋可以搵到真正嘅好姊妹呀!