被指生活富貴住豪宅　何依婷內疚影響家人

藝人何依婷今日（30日）出席無綫劇集《十月初五的月光》宣傳，對於演技被批評，她表示沒有刻意觀看留言：「我都明白有人鍾意同唔鍾意，係正常嘅。（網民話你聲線太高好嘈！）我自己睇番都覺得有少少嘈，嗰部分係頭幾集拍攝嘅，之後都有同監製傾，調校過把聲唔好咁演，後來已經壓沉咗，希望一路進步，大家畀啲機會我。(好大壓力？ ）拍劇嘅時候冇諗，只係好想做好，本身對自己要求高，所以盡咗最大努力就問心無愧，直至套劇出街就有啲壓力，大家好關注我嘅聲線同演技，我會下多啲苦功，希望大家畀多啲空間。」

談到有指她近日生活富泰，出入名店之餘，又搬入豪宅兼駕駛50萬名車，對此依婷表示：「架車都講咗好多年，係二手車，不過真係好難令人明白，啲人成日話我唔使做，其實嗰日去完髮型屋整頭要工作，亦冇喺名店買嘢。（搬屋呢？ ）多謝大家都好關注我住邊，依家我真係冇錢買樓，嗰度都係租嘅，今次影響到家人同埋朋友，我好內疚冇盡力保護佢哋。」