戴祖儀為節目帶定底褲預即場沖涼　吳若希乜都唔知

藝人吳若希、戴祖儀與黃庭鋒今日（30日）在元朗大棠為節目《真係唔好笑》擔任嘉賓。戴祖儀為節目有備而來，她說：「馮盈盈早幾日打畀我話節目大懲罰好犀利，叫我帶定底褲，我都真係帶咗一條，希望夠用，第一次拍節目有沖涼車，預咗我哋有好污糟情況出現。」吳若希則笑謂沒有準備：「今次節目好隨性，唔知Call time、唔知玩乜、唔知要着乜衫，所以完全冇準備，總之日落前收工就得。」問到可講擔心大懲罰？她說：「呢啲要交畀男士去頂，頭先玩遊戲，何廣沛不停被扑頭，都好擔心佢會腦震盪。」

講到兩人主持的《麻雀鬥室三決一》昨晚播出後，有觀眾覺得玩法不清晰及太多主持太嘈吵，吳若希則說：「節目時間充裕啲會好啲嘅，因為打麻雀嘅過程好多係剪走咗，所以對啲麻雀精嚟講係唔夠喉，依家拍咗6集，之後再改進。」戴祖儀不覺得太多主持，只是一個嘉賓配搭一個主持，她笑說：「《真》咪仲多，有7個主持。」