馮盈盈唔只19,000蚊人工：比呢個數高啲

馮盈盈、麥美恩、何廣沛、郭子豪、方紹聰今日（30日）在元朗大棠為主持的節目《真係晤好笑》進行拜神儀式，嘉賓為吳若希、戴祖儀、黃庭鋒。盈盈指節目玩法考驗大家忍笑能力，要她們唔准笑去引觀眾笑，她說：「忍笑都好困難，因為有麥美恩呢啲搞笑能手，但要忍到笑係因為有好大嘅懲罰，大懲罰嘅程度係令到我哋卸下偶像包袱，之前拍嘢試過一日要化妝、落妝3次。不過，節目真係好好笑，夜晚返屋企都仲笑緊，笑到瞓唔着，笑到內傷呀，哈哈。」

盈盈日前受訪透露自己的工資只有19,000元引起網民討論，她笑說：「其實我嗰日係講政府審計署公布嘅全港入息中位數，唔係講我自己，我比呢個數高啲，可以照顧到屋企人同埋自己啦。」