許廷鏗想參加《全民造星》:想批評自己

20211130
東網電視
更多新聞短片
歌手許廷鏗出席床褥活動,坦言近期為《全民造星IV》冇覺好瞓:「試過29個鐘冇瞓,又冇cut機,連瞌眼瞓都拍埋,嗰日我仲約咗第二朝幫人整牙,但仲未拍完,後尾改咗去晏晝,瞓咗兩、三個鐘就去整。」講到陶大宇翻唱《倒轉地球》的短片hit爆,有網友提議叫他入許廷鏗的隊訓練?他即笑言:「我女團嚟㗎喎,佢啲fans就得,佢師奶殺手嚟㗎嘛,遲啲聽吓佢啲音準得唔得先,如果ok都可以幫手調教吓。」
他又謂如有第5季,都希望可以參賽:「我做過評判,又做過導師,都希望可以做參賽者。(你ok?)可以呀,再出發再出發嗰啲,無限復活,如果需要我都可以嚟。(但要畀人批評?)我都想批評自己,凌晨做呢啲殘忍foul人決定,作為導師諗自己有冇能力幫佢行前一步,冇一個選擇可以滿足到大家,希望之後喺娛樂圈可以幫佢哋行前一步,例如合作或用佢哋創作嘅作品。」
另外,講到他曾拍廣告的外賣平台年尾將終止香港平台,他坦言:「我都覺得好突然,多謝客戶一直支持,佢哋係全球嘅公司,係香港部門結業,希望第時去其他地方都可以用佢哋嘅服務。」