抱仔抱到肩周炎　蔡少芬「入廠」針灸維修

藝人蔡少芬（Ada）2019年再做媽媽，誕下細仔張樂兒（小魚蛋），雖然佢有豐富做媽媽嘅經驗，但再照顧一個新生嬰兒，對於現年48歲嘅佢絕對唔係容易事，呢日佢就喺社交網自爆因為湊B搞到五勞七傷，需要做針灸療傷，佢大晒頸、背插滿針嘅照片，並留言：「小魚蛋不輕，筋膜、肩周炎甚麼都齊了！哈哈哈哈，但我不孤單，媽媽們都心照，媽媽不容易，但快樂。」網民即大讚母愛真偉大。