Twins行李篋放啲乜?鍾欣潼一定要帶呢樣嘢

20211201
東網電視
更多新聞短片
唔知大家平時執行李準備去旅行嗰陣,隨咗帶衫褲鞋襪、個人日常用品、護照等,仲會專登放啲咩落行李篋呢?組合Twins兩位成員蔡卓妍(阿Sa)、鍾欣潼(阿嬌)同大家分享個行李篋入面,會放咩特別嘢啦!阿Sa執好晒基本嘢日常用品之後,佢會將啲嘢食好似係蛋糕、公仔麵,糖果等嘢放入篋,仲準備咗本書擺入個篋度添,咁就去到邊都唔怕會肚餓親,可以邊睇邊食嘢,真係唔怕悶喎!
而阿嬌就執行李嗰陣就比較亂,將啲衫褲擺到成張床都係,而佢執好晒啲日常用品之後,發覺漏咗一樣重要嘢未執,係咁喺度左摷右摷,最後原來係搵頂帽!睇嚟頂帽對佢好重要喎,咁又係嘅,女仔最怕太陽曬,對皮膚唔好嘛,所以去到太陽猛烈嘅地方,頂帽就好有用啦!網民就話佢咁緊張要帶定頂帽去旅行,唔知係咪出街唔想畀人認到嗰陣戴帽喬裝吓,喺街邊篤串魚蛋都冇咁覺眼囉!