羅志祥復出騷被瘋狂抵制 網友:反正有佢就絕對唔睇

2021年12月01日 12:02
東網電視
更多新聞短片
「台灣舞王」羅志祥(小豬)將於明年1月參與「凹嗚狼人殺總冠軍 台北小巨蛋演唱會」,同五堅情、瘦子E.SO等同台演出,本來係開心事,點知就被大批台灣網友瘋狂抵制,反應最大嘅就係昔日好兄弟、佢出事後撐起成個節目嘅五堅情粉絲!當初小豬主持《凹嗚狼人殺》,曾多次有出位舉動,表現浮誇,更擺「大佬款」,佢出事後,五堅情將節目撐落嚟,更令節目成為台灣收視大熱,五堅情5子更成為台灣男神,人氣極高,「狼人殺」遊戲風靡全台。
反對聲音一一細數小豬歷年喺《娛樂百分百》中做過嘅爭議事件,以及玩《凹嗚狼人殺》時用過嘅手段,包括指出曾經同他不和嘅藝人,大鬧佢當年仗勢欺人,逼走好幾個主持人,好似已故藝人黃鴻升(小鬼)、威廉等。粉絲認為當初節目因為佢出事,係靠五堅情將節目撐住,依家小豬要返嚟就返嚟,即放話:「反正有他的狼殺我絕對不看!」