戴祖儀自認唔細想搵男友　擇偶條件唔可以有腳臭

戴祖儀與陳毅燊（ANSONBEAN）在寶琳出席商場「蠟筆小新」活動。戴祖儀是蠟筆小新的粉絲，屋企有百多件小新玩具，過往有新卡通片出街必定會追看，她說：「以前考試溫好一個章節，先畀自己睇一集《蠟筆小新》，所以好有動力溫書。」

問到將來找男朋友可要找過像小新的？她笑說：「反而想搵個似小新爸爸廣志，雖然佢成日都好蝦碌，但係佢好愛屋企、好遷就老婆，就算老婆點發脾氣佢都會忍，不過佢就有腳臭，希望將來另一半唔好有腳臭。」

她表示現在是單身，也有人追求，但已經廿多歲，拍拖也希望認真，故開始前要好好溝通和認識。問到聖誕可有男士約會？她笑說：「約咗一大班大學同學，男士就仲未有，不過仲有時間嘅。」經營網上首飾生意的她笑言最好的聖誕節禮物，就是幫襯她的店舖買禮物。