手瓜起?粗過頭！周柏豪騷肌派福利

歌手周柏豪最近到內地拍劇，早前需於當地酒店接受14日隔離，向來身形弗爆嘅佢，隔離期間都絕不怠慢，繼續努力做運動密密操，於「出關」當日更喺社交網晒出爆肌照，大晒操練成果。雖然佢已經坐完「疫監」，投入拍攝工作，不過對自己甚為嚴格嘅佢，即使百忙之中亦堅持抽空做運動，呢日佢就去到健身室舉啞鈴，見以黑色小背心上陣嘅佢，勁騷超結實麒麟臂，手瓜起晒?，二頭肌隨時粗過頭，再次令一班女粉絲流晒口水，佢表示：「我相信，有多努力，就有多幸運。」