周國賢密冚六舊腹肌 陳欣妍晒腰搶鏡

20211201
東網電視
更多新聞短片
歌手周國賢及以sports bra上陣的陳欣妍今日(1日)出席發布會,講到廣告中周國賢以「拳王」造型半裸上陣,但今日就未有除衫,他表示之前特地為廣告操肌兩星期,現時開拍新戲要減肥,故未能除衫,但仍隱約有六舊腹肌,又坦言之前電影出街令他多了工作,亦多了媽咪年齡層的人認識。而講到明年4月將在九展開show,他表示都會操肌:「就算唔係想騷肌,但都想操肌,想keep住狀態。」而講到繼此騷後,有指明年8、9月又將在紅館開show,他就保持神秘表示:「未定嘅,希望承你貴言啦。」
提到拍廣告時,他被怪獸條尾整傷,他表示:「整到個背脊,都有啲疤痕,損咗少少。」而廣告中陳欣妍就以「羅拉」造型上陣,她表示:「事前都有操fit,自己拍打戲都OK,最難係畀怪獸撻落地要做反應。」她又表示之前都有拍打戲,在電影中飾演公職人員,要着高踭鞋揸槍,有些難度,周國賢聞言亦希望可以拍揸槍戲。