被裕美形容想前度死太誇張 林作:唔想藕斷絲連啫!

20211201
東網電視
更多新聞短片
林作以廣告造型半裸上陣出席活動,女友裕美亦有到場支持。講到他大騷白滑豬腩肉,他笑言自之前拳賽後就冇再操過,幸好拍廣告時仍fit,又自言廣告相亦沒有P過,但抵死笑言3條海底隧道都有其廣告相,希望大家經過見到唔好撞車。
講到有指他分手後就希望前度死,他解釋:「裕美用咗個比較誇張嘅演繹手法啫,道理係同前度分手之後就唔好再做朋友,有怨恨都冇問題,最緊要唔好藕斷絲連。(你同麥明詩冇聯絡?)不嬲都冇。(但你媽咪同佢有?)我媽咪係冇永遠嘅敵人同永遠嘅朋友,我係敢愛敢恨。(咁樣講驚唔驚hurt前度?)我有咩驚,最緊要我依家幸福。(咁幸福幾時結婚?)未有打算成家立室。」