爆肌戰率先開打！邱士縉八舊腹肌撼贏呂爵安

由MIRROR成員呂爵安（Edan）、邱士縉（Stanley）、王智德（Alton）等主演嘅ViuTV新劇《i.SWIM》現正拍攝得如火如荼，雖然劇集仲未有得睇，但一眾男演員已經率先上演「爆肌攻防戰」，鬧騷身材。繼早前拍攝沙灘排球戲份，Edan「凸」晒「Big鵰」惡鬥自稱「馬鞍山巨龍」嘅Stanley後，近日Edan再於社交網晒出半裸照，隱約騷腹肌冧粉絲，Stanley即唔輸蝕，甫出泳裝照「應戰」，相中見佢以毛巾披肩，「中門大開」勁晒粒粒分明八舊腹肌，加埋身上嘅水珠大玩濕身誘惑，引死一班粉絲。至於在旁出名大隻嘅Alton，就只露出小部分胸肌，即時被比下去。