聖誕唔使Dry住過　周秀娜自爆有靚仔陪

藝人周秀娜（Chrissie）和形象指導馬天佑今日（2日）現身中環時裝店當一日限定店長，2小時內為多位客人配襯服飾，低胸上陣的Chrissie下身配短褲黑絲襪，露出一雙煞食筷子腳，她透露今年聖誕將開兩劇，故難得在港度聖誕，會事先布置屋企和買聖誕禮物，問到第幾年單身過聖誕？她撒嬌說：「提呢啲做乜？每年聖誕都開工係開心事，我唔係單身過，有成個劇組陪，對手又係靚仔。」

她自言唔急於拍拖，覺得有真命天子當然好，但最緊要適合。她突然又說轉天氣dry易敏感。問到不如找個醫生男友醫「敏感」？她笑言經常弄傷腳及皮膚敏感已經常見醫生：「我唔強求，自己都想拍拖嘅，相信吸引力法則，自己一個人都好enjoy。」

她透露聖誕有人約，問是否追求者？她說：「唔知係咪追求者，朋友囉！（好懶懶閒？）唔係，其實好彩喺香港，有時間相處，唔想咁快講定，畀機會自己，可能仲有好多呢！」