瘋狂抽陶大宇水！炎明熹唱《倒轉地球》最後彩蛋勁驚喜

「師奶殺手」陶大宇最近人氣急升，一曲《倒轉地球》大晒「宇宙級唱腔」，震驚13億人，社交網都瘋狂洗板，劇集《青春本我》一眾嘅歌手，好似炎明熹（Gigi）、姚焯菲、冼靖峰等都抽大宇水，跟風唱「來吧，倒轉地球~~~」大家都好認真，做晒手勢，See See TVB 社交網就上載佢哋演唱片段，炎明熹先打頭陣，主持人問佢「知唔知地球倒轉會點樣？」炎明熹就說：「唔係不嬲調轉緊？」主持人就話：「地球係自轉緊」，睇嚟炎明熹要惡補吓常識先得，而冼靖峰就更加搞笑，將佢改成「倒轉氣球」，姚焯菲就唱得最甜美，用佢「國民初戀」嘅聲音演繹出澎湃嘅《倒轉地球》。而片中最後仲大放彩蛋，就係炎明熹姑丈都唱番兩嘴，不過只係聽聲唔見人，網友就留言「姑丈聲底好厚，幾時同Gigi合唱？」、「姑丈係被生活耽誤嘅歌手」、「想睇姑丈版本」！