真．復出騷︱羅志祥做跨年騷壓軸　成縣市搶手貨

台灣舞王羅志祥（小豬）最近因為宣布於明年1月28日參與「凹嗚狼人殺總冠軍台北小巨蛋演唱會」而備受爭議，更被同場藝人嘅粉絲出聲抵制。正當大家都以為該演出會係佢嘅復出首演出之時，今日（2日）台灣再有消息，原來佢將「獨家」坐鎮台灣花蓮跨年壓軸！

其經理人小霜仲爆料，指其實今年跨年演出小豬收到好多縣市邀約，但團隊重視呢次演出，加上以往小豬每年暑假都會返花蓮見粉絲，因此將最重要嘅復出騷獻畀小豬家鄉。而羅志祥則開心表示：「心情很興奮也很期待迎接2022的新舞台。雖然疫情逐漸恢復，但也不要掉以輕心 ，還是要做好防疫措施，常洗手、戴口罩。」心情明顯Happy，又預告新歌、經典快歌都會演唱，未知佢狂Un下體嘅「光速舞」會否重演。

據台媒報道，花蓮今年跨年主打「全台最長」為期6日、「組數最多」超過60組巨星偶像輪番上陣，且「含金量最高」包含金鐘、金曲、金馬、金音獎得主歌手。