呼吸都肥!衛詩雅一長肉就被懷疑有孕

20211202
東網電視
更多新聞短片
藝人衛詩雅應連詩雅(Shiga)、蝦頭(楊詩敏)主持的網上節目做嘉賓,齊齊分享減肥心得。衛詩雅自言本身基因好易肥:「總知我食乜都會即刻肥晒,試過因太肥,公司同事曾私下討論我係咪有孕,真係唔知好嬲定好笑!」入行時她因腫到有Baby fat,但一瘦就被人話去整容,她激動澄清,重申真係去努力減肥。她說:「曾經有個角色要我好似有厭食症咁,有兩個禮拜淨飲咖啡,乜都冇食過,最大嘅影響係脾氣差。一拍完體重即刻反彈,好恐怖,仲肥過拍之前。」她覺得最有效係試過「168」減肥法,即係一日可以食兩餐,但係佢就再偏激一啲只食一餐,不過每星期都有一日可任食。
她表示曾經有部戲要她增肥50磅,當時她好雀躍,因佢好鍾意接受挑戰,但最終考量到她要肥完再變瘦,公司怕她負擔不來而沒有接。她們都認為其實演員真的很厲害,可以為一個角色而轉變,詩雅說:「如果真係接咗,我寧願兩年唔接工作,都要投入角色。」
蝦頭問到如果身邊的另一半喜歡有身材會怎樣?Shiga斬釘截鐵「SAY NO」:「我覺得佢係鍾意我個人,唔係身材。」但詩雅就認為男人只是得個講字,當你話減肥時,男朋友永遠都會話不用減,已經夠瘦了,但實則都是鍾意靚同比較瘦的女生。蝦頭說其實都有男士喜歡另一半有少少肉地,不過她跟詩雅亦認為如有肉地,但胸部比較平都未必喜歡。Shiga當下搶住說自己胸部都有點肉地,引來兩女大笑並說:「從來唔覺你冇。」Shiga亦自爆她大部分男友都不愛大波,比較喜歡長腿,蝦頭只好無奈點頭。