林明禎打機露出真性情　原來私下係咁樣…

馬來西亞女神林明禎擁有32E豐滿上圍，同無敵黃蜂腰，俘虜咗唔少宅男嘅心！佢之前為咗工作成日都要周圍飛，熱愛打機嘅佢曾經話過喺酒店隔離嗰陣都唔覺得悶，仲好享受可以有時間打機添！尋日（1日）佢趁住得閒，約埋班老友返屋企打機，拍片放上網同網民開心Share！

片中睇到佢同一個男仔同埋2個女仔朋友一齊打機，着上Tube Top配牛仔熱褲嘅佢，大晒香肩同白滑長腿，相當吸睛！而打機嗰陣佢不時同朋友一齊研究應該點樣打，一輪嘴咁傾唔停，仲講到指手畫腳相當投入，佢留言：「最喜歡約朋友打電動，因為能最快看到本性，我就是整天出口成章的那位！」睇嚟佢呢次真係打機露出真性情，原來佢私下係咁多嘢講㗎！網民就問「是跟打麻雀看牌品同一個道理嗎？」，唔少網民都話想同佢一齊打機，而有網民就留意到同佢打機嗰2個女仔，都係靚女嚟：「Wow friends都是女神級」，真係好令人羨慕喎！