神隱逾10年︱44歲元斌近照流出　網民讚唔識老勸復出

韓國型男玄彬就好多人都識，但其實仲有個同樣發音嘅元斌，呢個元斌呢，比玄彬更早出道，顏值絕對唔輸畀對方，不過自從11年前拍畢電影《殺手代父》後就冇再推出新作，最近呢位44歲男神終於有新相流出，現年44歲嘅佢，好似唔識老一樣，凍齡神顏引發網友熱議，直指「這顏值與演技不出來實在太可惜了」、「男神，拜託快回歸吧」。

元斌於2000年與宋慧喬及宋承憲合演經典韓劇《藍色生死戀》而紅遍亞洲，之後佢僅拍了1部韓劇《命運之戀》及《太極旗飄揚：生死有情》等片，視名利與浮雲嘅佢，差唔多半退出娛樂圈，2015年與女星李娜英奉子成婚後，更只是靠拍廣告養家，生活非常低調，過住「神隱」生活。

據知，元斌唔接拍新作原因是因為電視劇令佢壓力倍增，而多年來佢推咗唔少片約，包括電影《與神同行》、《屍殺列車》及《軍艦島》；劇集方面就有《太陽的後裔》、《那年冬天風在吹》及《The King 2 Hearts》，唔見至少400億韓圜（約2.64億港元）。