等鍾嘉欣歸隊　處女黨四缺一慶祝成團10周年

圈中閨蜜團「處女黨」Amazing Esther，雖然近年成員各有各忙，但關係依然保持友好，呢日閨蜜成團10周年，李亞男就與岑麗香、王君馨及苟芸慧齊集慶祝，李亞男於社交網大晒合照，見4女於天台大擺靚甫士留倩影，仲特登後期Key上聖誕樹，為即將來臨嘅聖誕節應節。雖然今次聚會獨欠鍾嘉欣尚未齊人，而李亞男亦留言表示好掛住嘉欣，不過其實嘉欣已經返港正接受隔離，相信好快就可以同好姊妹相聚。