炎明熹出道前原來唔玩齊蔭　梳中間分界網民認唔出

《聲夢》學員個個獨當一面，尤其係雙料冠軍炎明熹（Gigi）更加人氣急升，率先有自己派台歌之餘，更有望橫掃今年各大樂壇頒獎禮新人獎。人人皆知Gigi嘅超短齊蔭頭係佢Icon，之前仲被指同《魷魚遊戲》嘅「123木頭人」撞樣，成為網民熱話。原來Gigi並唔係一直都留齊蔭，網上流出一段佢2020年為音樂學院獻唱嘅片，當時Gigi嘅髮型係中間分界，比起依家更顯成熟。見片中嘅佢邊彈結他邊自唱，非常有星味。唔少網民都話睇完條片，第一眼認唔出係Gigi，但就大讚Gigi嘅「中分頭」有仙氣。