作客周迅新節目 竇靖童慨嘆時日太快

2021年12月03日 17:01
東網電視
更多新聞短片
天后王菲女兒竇靖童與內地女星周迅呢對「忘年閨蜜」感情要好,近日周迅與台灣女星柳翰雅(阿雅)主持嘅內地節目《很高興認識你2》即將開播,節目組率先公布嘉賓名單,當中除咗有台灣女星楊丞琳及男星井柏然外,身為周迅好友嘅竇靖童當然都有撐場,陣容鼎盛。不過喺預告片中,暫時未見竇靖童與周迅同框,只見佢與阿雅傾訴心事,早於童年時已擁有音樂夢嘅佢坦言希望早日長大:「小時候就覺得好慢好慢,甚麼時候才能成年。然後成年了之後就愈來愈快,愈來愈快。」網民都希望周迅同竇靖童可以喺節目中有更多互動。