陳展鵬爆單文柔識讀心　想呃老婆都難

圈中恩愛夫妻陳展鵬與單文柔昨晚（2號）擔任無綫綜藝節目《讀心專家》的嘉賓，接受著名「讀心專家」松明的挑戰，松明向他們3度作出「控心」及「植心」秘技，結果展鵬夫婦3次表現都盡在松明掌控之中，原本半信半疑的展鵬最後也忍不住大叫：「Amazing！」及驚呼「好犀利呀！」

期間，夫婦2人不時在節目中放閃，單文柔先向老公撒嬌謂：「以前我行街最鍾意睇衫，依家結咗婚之後，我淨係可以行超市。」展鵬聞言即冧爆回應：「做靚太嘛。」又指太太是他的讀心專家：「讀心就係你唔使講嘢，就可以睇穿你個心，同埋知道你諗緊乜嘢，好似佢（太太）對我咁。」當松明要求他交出電話作心理術示範時，他自言手機內全是太太「私照」，又爆料指單文柔知道其手機密碼，恩愛程度可見一斑。