孖蔡頌思食聖誕大餐　白雲晒事業線搶Fo

「35E咪神」白雲向來都鍾意晒性感，每次出現都會因身材成為焦點，佢今日（3日）約埋「40億千金」蔡頌思（Jocelyn）提早食聖誕大餐，着上西裝外套內襯低胸衫，配黑色短皮裙，大晒招牌事業線，白滑美腿，當然成功搶Fo啦！

佢留言：「今年第一餐聖誕大餐，以蘇州菜為靈感，這個Crab Roe Risotto加花雕溏心蛋，絕配呀！謝謝你帶我來！」佢仲同Jocelyn開咗支香檳一齊飲番兩杯，而影合照嗰陣佢塊面仲有啲紅，睇嚟都飲咗唔少喎！網民除咗提醒佢唔好飲太多之外，仲對啲嘢食好有興趣，話好想食埋一份呀！