谷婭溦獲老竇贈百萬辣跑　邊個係首位乘客？

歌手谷婭溦今晚（3日）現身音樂頒獎禮，對於歌曲《倔強》獲「鑽石國語歌曲」獎，以及《哭牆》獲「鑽石人氣歌曲」獎，她感到十分開心，自言入行近7年，終於開始有收穫，覺得需要更多努力和衝勁，要重新燃起心中的那團火。喜上加喜，獲兩獎的她更自爆出席頒獎禮前的15分鐘，收到爸爸送上的大禮，原來對方剛訂了一部價值過百萬元的辣跑，送給她作獎勵，她說一直「恨」了該車款多時，預計半年後辣跑才會到手，她又說因爸爸身在北京，所以媽媽將會做她的首個乘客。

谷婭溦透露稍後會參加無綫的音樂比賽《聲生不息》，香港是第一站，之後便要往湖南逗留4個月。祖籍湖南的她，說近兩年未有回鄉:「香港天氣好舒服，食得清淡，返去湖南天寒地凍，食物好辣，擔心腸胃唔適應。」她說湖南一行，可以順便探望居於當地的嫲嫲，因已有4、5年冇見面，她說會買超級靈芝和冬蟲夏草給對方補身：「我要孝順屋企人，大家都知我咁多年冇賺過錢，都係靠屋企人支持，今年終於有少少收入，唔會留一毫子畀自己，全部送晒畀家人。」