《華燈初上》強姦場面震撼　劉品言親證：都是真實的

由台灣女星林心如及楊謹華等主演嘅新劇《華燈初上》最近Hit爆，個個爭住揀心水「舞小姐」，當中台灣女星劉品言就飾演酒店小姐「Hana」，身材豐滿極吸睛，更喺劇中被「彪哥」李李仁睇中，可惜佢最後就慘遭對方強暴，完事後更被拋出車外，令人心痛！唔少人都以為拋落車嘅場面都係替身頂上，點知劉品言就喺社交網發文，直指成場戲：「都是真實的。」

其實喺拍攝當日，劉品言就喺團隊保護下，全身上下都經過特殊處理，加上臉上化上特殊妝，令到場面更加貼近真實。佢又提到原來拍攝當日係去年寒冷冬夜，山上寒風刺骨，不過大家都夠晒熱血，齊心協力拍好場面，唔怪得由車上被強暴一幕，到被拋出車，都睇到大家汗毛豎起晒，專業係唔同啲。