失戀歌都唱出甜美感覺　姚焯菲翻唱MC《記憶棉》網民激讚

「國民初戀」姚焯菲（Chantel）於《聲夢傳奇》中憑翻唱《戀愛預告》而一鳴驚人，甜美聲音同可愛外表，聽到網民甜到漏，紛紛話搵番初戀感覺，因而被封為國民初戀。

擁有甜美聲線嘅Chantel唱分手歌都係一樣咁甜，佢於昨日（3日）喺社交網上載短片，翻唱《全民造星II》張天賦（MC）的失戀歌《記憶棉》，雖然只係1分多鐘的片段，但網友大呻唔夠喉，紛紛叫Chantel唱晒全首，仲話期待兩人合唱。原來Chantel偶像係張天賦，今次翻唱偶像嘅歌，完全帶出唔同感覺。