兩樣都係必需品︱揀女友定咖啡？魏浚笙咁樣答

「新一代男神」Jeffrey（魏浚笙）今日（4日）出席美國運通特設期間限定Explorer Pop-up Café星級店長活動，又即席大顯身手沖愛心咖啡予兩位星級Fans，簡直羨慕死其他Fans！而原來Jeffrey私下亦是不折不扣的咖啡精，更將Fans命名為「咖啡豆」：「特別鍾意飲齋啡，因為可以消腫，我係長期腫底。」笑問揀女朋友抑或揀咖啡？他冧爆秒答：「梗係女朋友！雖然咖啡係必需品，女朋友都係必需品！」

Jeffrey指除了每日都要飲咖啡消腫之外，若然第二朝要開工，前一晚都會自動Skip晚餐，問到早排拍ViuTV《i.SWIM》豈不是好辛苦？他指：「拍劇開心之餘，但係要捱，因為要騷肌，嗰排係咁補充Protein，拍前一日午餐、下午茶會食多啲，然後做Gym，到拍嗰日就飲齋啡再食排黑朱古力。（拍完劇可以放鬆啲？）可以放鬆但唔可以放肆，如果唔係會變豬。」故他希望可以一直Keep住副Fit爆Body，更笑言視「The Rock」狄維莊遜（Dwayne Johnson）為目標進發。