信得過阿媽︱鄧超金雞影帝獎杯唔係自己揸手？

金雞影帝鄧超近年多參與綜藝節目，搞笑形象深入民心，看似未有專注演員事業，但其實佢喺當年「稱帝」後，一直靠媽咪鞭策自己。今年金雞獎40周年，「金雞40年影人訪談」系列欄目邀請咗鄧超做嘉賓，佢就向主持人透露：「自己的金雞獎杯一直放在媽媽那，我跟她說放在她那邊兩天，之後就變了一直放在那兒。媽媽作為自己最好的鞭策者和鼓勵者，保管金雞獎杯十分有意義。」果然最信得過自己媽咪！

鄧超與段奕宏主演嘅《烈日灼心》於2015年上映，取得良好口碑以及超過3億元人民幣（約3.67億元港幣）票房成績，更令鄧超、段奕宏獲得上海電影節金爵獎影帝，並喺2017年第31屆金雞獎上，帶挈鄧超收穫人生第一個「金雞獎影帝」獎杯。