晒家庭相都可以賣廣告　陳凱琳搵到新財路

前港姐冠軍陳凱琳近年少有幕前演出，佢早前都直言少咗拍劇要搵新出路，已經開展咗自己生意嘅佢，原來仲搵到咁多新搵銀途徑，今日（4日）佢就晒出幾張同兩個仔仔一齊影嘅相，睇落同佢平時晒嘅家庭照冇乜分別，點知其實佢主攻KOL路，仲帶挈埋阿仔齊齊「賣廣告」，一輯家庭相都有錢賺，借住去Staycation嘅機會影靚相，加上明星效應，唔少網友睇完相都留言讚佢好媽媽，又大讚兩個仔又Cute又靚仔，睇嚟仔仔都幫到手賺錢啵。